11

یومِ اقبال پر چین اور ایران کا شاعرِ مشرق کو خراج تحسین

ایران کے وزیر خارجہ جاوید ظریف نے یوم اقبال پر پاکستانی قوم کو مبارکباد دی ہے۔

اپنے ٹویٹر اکائونٹ پر اپنی ٹویٹ میں ان کا کہنا تھا کہ ‏علامہ اقبال فخر عالم اسلام اور بین الاقوامی شاعر و مفکر کا درجہ رکھتے ہیں اور اتحاد بین المسلمین کے لیے جو دردِ دل رکھتے تھے وہ آج عالم اسلام کے لیے درپیش تشویش ہے۔

انہوں نے اپنے پیغام میں لکھا کہ تمام پاکستانیوں کو یوم اقبال مبارک ہو۔انہوں نے اردو ترجمے کے ساتھ علامہ اقبال کا یہ فارسی شعر بھی ٹوئٹ کیا۔

دل به محبوب حجازی بسته ایم
زین جهت با یکدگر پیوسته ایم


(ترجمہ ہم نے اپنا دل محبوبِ حجازی(حضرت محمد ﷺ سے لگایا ہے) ۔ اس لحاظ سے ہم ایک دوسرے سے وابستہ ہیں)

دوسری جانب یوم اقبال کے موقعے پر حال ہی میں پاکستان میں تعینات ہونے والے چینی سفیر نونگ رونگ نے شاعر مشرق علامہ اقبال کو خراج تحسین پیش کرنے کے ان کی تصویر اور شعر بھی ٹوئٹ کیا۔ چینی سفیر نے اردو رسم الخط میں اقبال کا مقبول شعر شیئر کیا۔

اس خبر پر اپنی رائے کا اظہار کریں

اپنا تبصرہ بھیجیں