186

پی سی بی کا اگلے ماہ سے مکمل ڈومیسٹک سیزن کروانے کا اعلان

پی سی بی نے بیک ٹو کرکٹ پالیسی کے تحت بائیو سکیور ماحول میں ڈومیسٹک سیزن اگلے ماہ شروع کرنے کا فیصلہ کیا ہے۔
ڈائَریکٹر ہائی پرفارمنس سینٹر ندیم خان نے میڈیا سے بات کرتے ہوئے کہا ہے کہ مکمل احتیاطی تدابیر کے ساتھ پورا سیزن کرانے کی حکمت عملی بنائی ہے، کھلاڑیوں، میچ آفیشلز اور دوسرے لوگوں کےمعاشی مسائل کا احساس ہے، ڈومیسٹک میچز اگر کم کرتے تو اس سے کھلاڑیوں اور دوسرے متعلقہ لوگوں کی آمدن متاثر ہوتی اس لیے کوشش کی ہے کہ تمام میچز مکمل ہوں۔ ندیم خان نے کہا کہ حکومت کی جانب سے سپورٹس سرگرمیوں کی اجازت ملنے کے بعد اب ہمیں اپنے پلان کو عملی جامہ پہنانے میں مدد ملے گی۔بیک ٹو کرکٹ ایس او پیز تیار کرلیے ہیں، کھلاڑیوں، آفیشلز، کوچز اور گراونڈ سٹاف سمیت سب کو اس سے آگاہ کیاجائے گا۔
انہوں نے کہا کہ کھلاڑیوں سمیت سب لوگ ہمارے لیے بہت اہم ہیں، ان کی صحت بہت عزیز ہے۔بائیو اسکیور ماحول فراہم کرنا تھوڑا مشکل ضرور ہے لیکن کوشش کریں گے کہ کوئی کمی کوتاہی نہیں رہے۔کرکٹ کی بحالی کے لیے کھلاڑیوں اور آرگنائزرز کی سپورٹ کی بہت ضرورت ہے۔ ندیم خان نے کہا کہ تمام ضروری چیزوں کو فائنل کرلیاہے، جلد ڈومیسٹک سیزن کے حوالےسے باقاعدہ اعلانات ہوں گے۔

اس خبر پر اپنی رائے کا اظہار کریں

اپنا تبصرہ بھیجیں