63

نیب کے سامنے ریاستی دہشت گردی کا مظاہرہ ، نہتے کارکنوں پر تشدد کیا گیا،مریم نواز

لاہور: مریم نواز نے کہا ہے کہ نیب کے سامنے ریاستی دہشت گردی اور جبر کا مظاہرہ کیا گیا، پر امن نہتے کارکنوں پر تشدد کیا گیا، گاڑی پر پتھر برسائے گئے، آج بلانے کا مقصد نقصان پہنچانا مقصود تھا۔ پاکستان مسلم لیگ نون کی رہنما مریم نواز نے پریس کانفرنس کرتے ہوئے کہا آج ریاستی دہشتگردی کا مظاہرہ کیا گیا، پر امن اور نہتے کارکنوں پر پتھر برسائے گئے، آنسو گیس اور پتھر لگنے سے کارکن زخمی ہوئے۔ انہوں نے کہا نیب کا کال اپ لیٹر مجھے پرسوں موصول ہوا، کہا گیا شاید میں نے کوئی زمین خریدی ہے، کال اپ لیٹر میں مجھ پر کوئی الزام نہیں لگایا گیا۔
مریم نواز کا کہنا تھا مجھے بلانے کے پیچھے نقصان پہنچانا مقصود تھا، بلٹ پروف گاڑی نہ ہوتی تو پتھر مجھے لگتے، پولیس یونیفارم میں لوگوں نے پتھر مارے، پتھر لگنے سے مجھے ہیڈ انجری بھی ہوسکتی تھی، مجھے واپس جانے کیلئے پیغام بھی آئے، مجھے کہا گیا بی بی واپس چلی جائیں، نیب والوں نے دروازہ نہیں کھولا، چھپ کر بیٹھے رہے، نیب کے دروازے کے باہر کھڑی رہی اور کہا مجھ سے جواب لے لیں۔

اس خبر پر اپنی رائے کا اظہار کریں

اپنا تبصرہ بھیجیں