67

نواز شریف کا کورونا میں گھر سے نکلنا جان لیوا ہوسکتا ہے، میڈیکل رپورٹ

لاہور ہائیکورٹ میں نواز شریف کی تازہ میڈیکل رپورٹ جمع کروا دی گئی جس میں کہا گیا ہے کہ نواز شریف پلیٹ لیٹس، شوگر، دل، گردے اور ہائی بلڈ پریشر کے امراض میں مبتلا ہیں اور معالجین نے انہیں ہسپتال کے قریب رہائشگاہ رکھنے کی ہدایت کی ہے۔ سابق وزیراعظم نواز شریف کی لاہور ہائیکورٹ میں تازہ ترین رپورٹ جمع کروا دی گئی۔ دو صفحات پر مشتمل رپورٹ میں نواز شریف کو کورونا وباء کے باعث گھر سے باہر نکلنے سے منع کیا گیا ہے۔ میڈیکل رپورٹ کے مطابق نواز شریف پلیٹ لیٹس کی کمی شوگر، دل، گردے اور ہائی بلڈ پریشر کے عارضے میں مبتلا ہیں، ان کا کورونا وباء کے دوران گھر سے باہر نکلنا جان لیوا ثابت ہو سکتا ہے۔ نواز شریف کو ہدایت کی گئی ہے کہ وہ ورزش کے ساتھ طبی ماہرین سے مسلسل رابطے میں رہیں اور اپنی رہائش علاج گاہ کے قریب رکھیں۔ میڈیکل رپورٹ میں کہا گیا ہے کہ نواز شریف دل کے مرض کی وجہ سے انتہائی خطرے میں ہیں اور شریانیں بند ہونے سے دل کو خون کی سپلائی مناسب نہیں ہو رہی۔ نواز شریف کی میڈیکل رپورٹس 4 دسمبر، 15 دسمبر 2019ء13 جنوری دوہزار بیس 12 فروری، 18 مارچ اور 28 اپریل کو بھی ہائیکورٹ میں جمع کروائی جا چکی ہیں۔

اس خبر پر اپنی رائے کا اظہار کریں

اپنا تبصرہ بھیجیں