143

مریم نواز کا نجی ہسپتال میں طبی معائنہ

لاہور: مریم نواز نے نجی ہسپتال میں اپنے گلے کے غدود کا معائنہ کرایا۔
پاکستان مسلم لیگ ن کی نائب صدر مریم نواز لاہور کے علاقے گلبرگ میں نجی ہسپتال میں پہنچیں اور معمول کا طبی معائنہ کرایا۔ اس موقع پر مریم نواز کے ہمراہ ان کا ذاتی اور سکیورٹی عملہ بھی موجود رہا۔
ذرائع کے مطابق مریم نواز اپنے گلے کے غدود کے چیک اپ کے لئے ہسپتال گئی تھیں۔ وہ عید سے چند روز قبل بھی اپنا چیک اپ کروا کر گئی تھیں۔ واضح ہے کہ مریم نواز کی والدہ بیگم کلثوم نواز کو بھی اسی مرض کا سامنا رہا تھا۔صحافی نے مریم نواز سے ان کے والد نواز شریف کی طبعیت دریافت کی تو انہوں نے مختصر جواب دیتے ہوئے کہا کہ اللہ کا شکر ہے میاں صاحب کیلیے دعا کریں۔ ہسپتال کے ریڈیالوجسٹ کے مطابق مریم نواز کی طبیعت ٹھیک ہے اور اسکین رپورٹ ٹھیک آئی ہے۔

اس خبر پر اپنی رائے کا اظہار کریں

اپنا تبصرہ بھیجیں