59

سندھ میں سرکاری ملازمت کے لیے عمرکی حد میں 15سال کی رعایت

کراچی، سرکاری ملازمت کے لیے عمر کی حد میں 15 سال کی رعایت کا نوٹیفکیشن جاری کردیا گیا۔
سندھ حکومت نے ملازمت کی درخواست دینے والوں کے لئے اہم فیصلہ کیا اورسرکاری ملازمت کے لیے عمر کی حد میں 15سال کی رعایت دے دی گئی ہے، جب کہ وزیر اعلیٰ مرادعلی شاہ کی منظوری کے بعد عمر کی حد میں رعایت کا نوٹی فکیشن بھی جاری کردیا گیا ہے۔ نوٹیفکیشن کے مطابق عمر کی حد میں 15سال کی رعایت کا اطلاق یکم جولائی 2020ء سے 30جون 2022ء تک ہوگا، تاہم اس رعایت کے قانون کا اطلاق سندھ پولیس اور پبلک سروس کمیشن کے تحت بھرتیوں پر نہیں ہوگا۔ اعلامیہ میں کہا گیا ہے کہ سندھ میں سرکاری ملازمت کے لیے عمر کی زیادہ سے زیادہ حد 30 سال تھی، تاہم اب اس حکمنامے کے تحت 15سال کی رعایت کے ساتھ سرکاری ملازمت کے لیے 45 سال کی عمر کے افراد بھی درخواست دے سکیں گے۔

اس خبر پر اپنی رائے کا اظہار کریں

اپنا تبصرہ بھیجیں